تفصیلات کے مطابق قومی ٹیم کے سابق کپتان وسیم اکرم نے کراچی کنگز کی شکست پر اپنے غصے کی اہم وجہ بتا دی ۔ ان کا کہنا تھا کہ میں بھی انسان ہوں اور ہر انسان میں جذبات فطری عمل ہے ، میں اگر مجھے صورتحال اچھی نہیں لگ رہی تو پھر غصہ آنا بھی فطری عمل ہے ۔
کراچی کنگز اپنے زیادہ تر میچز بہت قریب جا کر ہار جاتی ہے اس وجہ سے مجھے غصہ آتا ہے لیکن میرے غصے پر لوگ طرح طرح کی باتیں کرتے ہیں۔ لیکن مجھے لوگوں کی باتوں سے فرق نہیں پڑتا کیونکہ
تنقید کرنے والوں کے پاس بہت زیادہ فارغ وقت ہوتا ہے ،اس لیے وہ اپنا وقت تنقید کرنے پر استعمال کرتے ہیں ، جب جب کراچی کا میچ ہوتا ہے تو میں ٹرینڈنگ پر آجاتا ہوں،
پھر اگلے دن کسی او ر میچ میں کوئی اور ٹرینڈنگ پر ہوتا ہے اور یہ سلسلہ اسی طرح چلتا رہتا ہے ۔ مجھے لگتا ہے کہ اب مجھے ڈریسنگ روم کے کسی کونے میں چھپ کر بیٹھنا پڑے گا ۔
