تفصیلات کے مطابق پی ایس ایل کی سب سے تگڑی ٹیم ملتان سلطانز کا میچ پی ایس ایل کی سب سے ہلکی ٹیم کراچی کنگز کے ساتھ اتوار کو دن 2 بجے کھیلا جائے گا، پچھلا میچ ملتان سلطانز نے جیتا تھا تو اس بار کراچی کنگز کے پاس اپنے ہوم گراؤنڈ پر بدلہ لینے کا موقع ہے

گزشتہ کھیلے گئے میچ میں میچ میں ملتان سلطانز نے سنسنی خیز مقابلے کے بعد کراچی کنگز کو ہرادیا تھا۔ ملتان کے 197 رنز کے تعاقب میں کراچی کنگز کی ٹیم

مقررہ 20 اوورز میں 5 وکٹوں کے نقصان پر 193 رنز بناسکی تھی اور یوں اسے 3 رنز سے شکست ہوگئی۔ ملتان میں کھیلے گئے میچ میں کراچی کنگز نے ملتان سلطانزکے خلاف ٹاس جیت کر پہلے بولنگ کا فیصلہ کیا تھا اور

ملتان نے پہلے کھیلتے ہوئے 196 رنز اسکور کیے تھے۔ ملتان سلطانز کے کپتان محمد رضوان نے شاندار سنچری اسکور کی تھی ۔ رضوان 64 گیندوں پر 4 چھکوں اور 10 چوکوں کی مدد سے 110 رنز بناکر ناٹ آؤٹ رہے تھے۔

شان مسعود نے 51 اور ریلی روسو نے 29 رنز بنائے تھے ملتان سلطانز نے مقررہ اوورز میں 2 وکٹوں کے نقصان پر 196 رنز بنائے تھے، کراچی کی جانب سے محمد عمر اور شعیب ملک نے ایک ایک وکٹ لی تھی۔

کراچی کنگز کی اننگز،ملتان کے 197 رنز کے ہدف کے چیز میں کراچی کنگز کی اننگز کا آغاز شاندار رہا تھا، پہلی وکٹ پر 72 رنز کی شراکت قائم ہوئی اور میتھیو ویڈ 20 رنز بنا کر آؤٹ ہوگئے تھے،

جیمز ونس 75 رنز بناکر رنز آؤٹ ہوئے تھے۔ حیدر علی بھی 12 رنز اور شعیب ملک 13 بنا کر کیچ آؤٹ ہوئے تھے۔ کپتان عماد وسیم اور بین کٹنگ نے سلطانز کے بولر کے سامنے مزاحمت کی مگر بین کٹنگ بھی 12 رنز بنا کر پویلین لوٹ گئے تھے۔

عماد وسیم نے ذمہ دارانہ اننگز تو کھیلی تھی تاہم ٹیم کو ایک بار پھر فتح نہ دلا سکے۔ کنگز کو آخری اوور میں 15 رنز درکار تھے لیکن کراچی کی ٹیم مقررہ اوورز میں 5 وکٹوں کے نقصان پر 193 رنز ہی بنا سکی اور یوں اسے 3 رنز سے شکست کا سامنا کرنا پڑا تھا۔

عماد وسیم 46 رنز بنا کر ناٹ آؤٹ رہے تھے۔ ملتان کی جانب سے عباس آفریدی نے 2، اسامہ میر اور خوشدل شاہ نے ایک ایک کھلاڑی کو آؤٹ کیا تھا۔

آخری اوور میں 22 رنز درکار تھے اور پہلی بال نو بال ہوگئی تھی، ویڈیو دیکھیں


خیال رہے کہ ملتان سلطانز اس سیزن کی ٹاپ ٹیم ہے، اس نے 5 میچز کھیلے ہیں اور صرف ایک ہی میں شکست ہوئی ہے۔ کراچی کنگز بھی 5 میچز کھیل چکی ہے مگر اُسے 4 میں شکست کا سامنا کرنا پڑا۔

شیئر کریں

اپنا تبصرہ بھیجیں