تفصیلات کے مطابق کوئٹہ گلیڈی ایٹرز کے سینئر آل راؤنڈر محمد حفیظ کا کہنا ہے کہ کھلاڑیوں کے درمیان احترام کا رشتہ ضروری، الفاظ سے میچ نہیں جیتے جا سکتے۔ کوشش ہو گی کہ کارکردگی سے اپنی سلیکشن کو درست ثابت کروں اور ساتھ ہی نوجوان کھلاڑیوں کے ساتھ اپنا تجربہ بھی شیئر کروں تاکہ ان کو فائدہ ہو۔
محمد نے کہا کہ پی ایس ایل ایک بہترین برانڈ ہے جس میں شرکت کر کے اور پرفارم کر کے بہت مزہ آتا ہے، یہ ایک بہت سخت ٹورنامنٹ ہے جس میں پرفارم کرنے کیلئے پوری تیاری کے ساتھ آنا پڑتا ہے،
اگر تیاری کے ساتھ نہیں آئیں گے تو پرفارمنس نہیں ہوگی۔ حفیظ کا کہنا تھا کہ کراچی کنگز کے خلاف جیت سے کافی اعتماد ملا ہے امید ہے اس سلسلے کو جاری رکھا جائے گا،
کراچی کنگز کے خلاف میچ میں پلیئرز میں جیت کی بھوک نظر آرہی تھی، امید ہے اسی رویئے کو دیگر میچز میں بھی برقرار رکھا جائے گا۔
