تفصیلات کے مطابق ملتان سلطانز کے مداحوں کے لیے بری خبر آگئی، پاکستان سپر لیگ (پی ایس ایل) فرنچائز ملتان سلطانز کو 8 ویں سیزن کے ابتدائی 7 میچز کے لیے آسٹریلوی بلے باز دستیاب نہیں ہوں گے، وہ ٹیم کو مارچ کے پہلے ہفتے میں اسکواڈ جوائن کریں گے۔ اس سے ملتان کو نقصان اٹھانا پڑ سکتا ہے،
ٹم ڈیوڈ مارچ کے پہلے ہفتے میں اسکواڈ جوائن کریں گے۔ جارح مزاج آل راونڈر ورک لوڈ مینجمنٹ کی وجہ سے شروع کے 6 سے 7 میچز نہیں کھیل سکیں گے۔
دوسری طرف جنوبی افریقا کے ڈیوڈ ملر ٹیم کو 8 میچز کےلیے دستیاب ہیں، جن کے جاتے ہی ٹیم میں اُن کی جگہ ٹم ڈیوڈ لے سکیں گے، اسی لیے سلطانز نے مزید ری پلیسمنٹ نہیں لی ہے۔
جنوبی افریقا کے وائن پارنیل کی بھی پی ایس ایل کے ابتدائی میچز میں شرکت مشکوک ہے، وہ افریقی لیگ کے دوران گروئن انجری کا شکار ہوئے تھے۔ کیرون پولارڈ اور رائیلی روسوو پورے پی ایس ایل کےلیے ٹیم کو دستیاب ہیں۔
