تفصیلات کے مطابق پاکستان سپر لیگ کی فرنچائز لاہور قلندرز کے کپتان شاہین آفریدی ٹیم نے دو ٹوک الفاظ کہہ دیا ہے کہ کوئی یہ نہ سمجھے کہ وہ خود کیلئے کھیل کر اگلے میچ میں جگہ پکی کر سکتا ہے۔ ساتھی کھلاڑیوں سے بات چیت میں شاہین آفریدی نے کہا کہ لاہور قلندرز ایک فیملی ہے،
سب نے ایک دوسرے کا بھائیوں کی طرح خیال رکھنا ہے۔ کوئی یہ نہ سمجھے کہ خود کیلئے کھیل کر اگلے میچ میں جگہ پکی کر سکتا ہے، دلیری کے ساتھ ایک رن بھی کرنے والا تمام میچز کھیلے گا،
کوئی ایک دوسرے کو مورد الزام نہیں ٹھہرائے گا، تمام کھلاڑی اچھے ہیں اس لیے سکواڈ کا حصہ ہیں۔ شاہین آفریدی نے کہا کہ ہم سب نے مل کر جیت کا سوچنا ہے اور آگے بڑھنا ہے،
غیر ملکی کھلاڑیوں کے بارے میں نہیں سوچنا ، ہمیں خود اتنا مضبوط ہونا ہے کہ کسی کو بھی ہرا سکیں، زمان بھی شاہین ہے اور شاہین بھی زمان ہے ، کوئی سنئیر جونئیر نہیں ہے، آپ سب ایک طرح ہو۔
