تفصیلات کے مطابق قومی ٹیم کے فاسٹ بولر شاہین شاہ آفریدی نکاح کیلئے اہل خانہ کے ہمراہ کراچی پہنچ گئے ہیں۔ نجی ٹی وی جیو نیوز کے مطابق شاہین آفریدی کا نکاح کل بروز جمعہ 3 فروری کو سابق کپتان شاہد آفریدی کی بیٹی انشا آفریدی سے ہوگا۔ اس حوالے سے خاندانی ذرائع کا کہنا ہے کہ
شاہین آفریدی اور انشاکا ابھی صرف نکاح ہو رہا ہے جب کہ رخصتی بعد میں ہوگی۔ اب رپورٹس سامنے آئی ہیں شاہین اور انشا کے نکاح کی تیاریاں شروع بھی ہوچکی ہیں جس کے لیے شاہین آفریدی اہلخانہ کے ہمراہ کراچی پہنچ گئے ہیں۔
دوسری جانب سوشل میڈیا پر شاہین کی شادی کا کارڈ بھی وائرل ہورہا ہے تاہم اس حوالے سے خاندانی ذرائع کی جانب سے کوئی بھی تصدیق نہیں کی گئی،
واضح رہے کہ اس سے قبل جیو نیوز کو انٹرویو میں شاہد آفریدی کی بیٹی سے منگنی اور رشتہ طے ہونے پر شاہین نے اللہ کا شکر اداکیا اور شرماتے ہوئے بتایا کہ ’میرے خیال سے میری ہی خواہش تھی‘۔
