تفصیلات کے مطابق نیوزی لینڈ کرکٹ ٹیم کے کپتان ٹم ساؤتھی نے کہا ہے کہ آخر میں نسیم شاہ نے وکٹ پر رک کر ہمیں کامیابی سے دور کردیا۔ نئی بال تاخیر سے لینے کا سبب یہ تھا کہ رنز تیزی سے بن سکتے تھے، سرفراز احمد نے بہت شاندار بیٹنگ کرتے ہوئے اپنی ٹیم کو مشکلات سے نکالا۔
دوسرے ٹیسٹ میچ کے اختتام پر میڈیا سے گفتگو کرتے ہوئے انہوں نے کہا کہ پاکستان کے خلاف ٹیسٹ سیریز بہت ہی دلچسپ رہی اور ہم نے یہاں بہت لطف اٹھایا، کراچی کا دوسرا ٹیسٹ کوئی بھی ٹیم جیت سکتی تھی۔
اب تمام تر توجہ ون ڈے سیریز پر مرکوز ہے، سرفراز احمد نے پوری سیریز میں ہمارے لیے مشکلات کی، بر صغیر میں کھیلنا کسی چیلنج سے کم نہیں ،بحیثیت کپتان میں نے اس ٹور پر بہت کچھ سیکھا۔
پاکستان کے دورے کو بہت انجوائے کیا، جتنا ہمیں افسوس ہےاتنا ہی پاکستان کو بھی نہ جیتنے کا ہوگا۔ اب تک پاکستان کی میزبانی سے بہت خوش اور مطمئن ہیں جبکہ بھرپور سیکیورٹی انتظامات بھی قابل تحسین ہیں۔
