”بہت سے بیٹسمین خوش تھے کہ محمد آصف پر پابندی لگ گئی اور، کیوین پیٹرسن نے حیران کن انکشاف کر دیا“

تفصیلات کے مطا بق محمد آصف نے کیوین پیٹرسن کو ٹیسٹ اور ون ڈے کر کٹ میں دو، دو مرتبہ پویلین کی راہ دکھا رکھی ہے جبکہ ٹی 20 انٹرنیشنل میں ایک مرتبہ آﺅٹ کیا۔ لیکن ان کا کیرئیر اس وقت تاریکی میں ڈوب گیا جب 2010ء کے سپاٹ فکسنگ سکینڈل میں ملوث ہو نے کے باعث محمد آصف پر 7 سال کی پا بندی عائد کر دی گئی۔ کیوین پیٹرسن نے کہا ہے کہ ”میرے خیال سے دنیائے کر کٹ میں بہت سے ایسے بلے باز تھے جو کہ محمد آصف پر پابندی لگنے کی وجہ سے بہت خوش ہوئے! میں نے اپنے کیرئیر میں جن باﺅلرز کا سامنا کیا، محمد آصف ان میں سب سے بہترین تھے، میں ان کے سامنے بلکل بے بس ہوتا تھا۔ واضح رہے کہ پاکستان کی جانب سے 106 ٹیسٹ وکٹیں حاصل کرنے والے محمد آصف نے اکتوبر 2017ءمیں ڈومیسٹک کرکٹ میں کم بیک کیا تاہم وہ دوبارہ پاکستان کرکٹ ٹیم کی نمائندگی حاصل کرنے میں کامیاب نہیں ہو سکے۔