تفصیلات کے مطابق پاکستان اور انگلینڈ کے درمیان جاری پہلے ٹیسٹ میں انگلش بلے بازوں کی بہترین پرفارمنس پر چیئر مین پاکستان کرکٹ بورڈ رمیز راجہ کا دلچسپ انداز میں تبصرہ کرتے ہوئے کہنا تھا کہ “انگلینڈ والے ٹی ٹوئنٹی پلیئر لے کر آئے ہیں۔ نجی ٹی وی چینل “جیو نیوز”کے مطابق
چیئرمین پاکستان کرکٹ بورڈ رمیز راجا کا کہنا ہے کہ انگلینڈ والے ٹیسٹ کے لیے بھی ٹی ٹوئنٹی کے کھلاڑی لیکر آئے ہیں، پاکستان کو بھی سوچنا پڑے گا،
رمیز راجا نے پنڈی سٹیڈیم کی بے جان وکٹ پر تبصرہ کرتے ہوئے کہا کہ ہم پچز بنانے میں بہت پیچھے رہ چکے ہیں، پنڈی سٹیڈیم کی پچ بہتر ہونی چاہیے تھی کیونکہ پچ شہ رگ کی طرح ہوتی ہے۔
بغیر گھاس والی پچوں پربھی باؤنس ہوتا ہے، سیزن میں مزید اچھی پچز بنیں گی اور کھلاڑیوں کو نیوزی لینڈ سیریز میں بھی یہی پچز ملیں گی، رمیز راجا نے کہا کہ ڈراپ ان پچز مسئلےکا حل ہو سکتا ہے،
