تفصیلات کے مطابق انگلینڈ ٹیم کے سابق کپتان مائیکل وان نے 2023 میں ہندوستان میں ہونے والے ورلڈکپ کیلئے بھارتی ٹیم کو فیورٹ سمجھنا انتہائی فضول قرار دے دیا ہے۔ دی ٹیلی گراف میں لکھے گئے کالم میں مائیکل وان نے انگلش ٹیم کے کپتان جوز بٹلر اور ان کی ٹیم کو ون ڈے ورلڈکپ کیلئے فیورٹ قرار دیا ہے۔
مائیکل وان نے اپنے کالم میں انگلینڈ کی ٹیم کو سراہتے ہوئے لکھا کہ ’اگلا ٹکٹ بھارت میں ہونے والا 50 اوورز کا ورلڈکپ جیتنا ہے، انگلینڈ کے پاس اچھے سپن آپشن ہیں اور ہمیں ورلڈکپ کے لیے انگلینڈ کی ٹیم کو فیورٹ رکھنا ہوگا۔
سابق کپتان نے لکھا کہ جب ٹورنامنٹ شروع ہوگا تو بھارت کو لوگ ان کے ہوم گراؤنڈ پر فیورٹ قررا دینگے جو کہ انتہائی بیوقوفی ہے ،انگلینڈ ٹیم کسی بھی سوال کے بغیر شکست دینے والی ٹیم ہوگی اور
آئندہ چند سالوں تک اب یہی سلسلہ چلتا رہے گا۔ انہوں نے مزید لکھا کہ اگر میں بھارتی ٹیم کو دیکھ رہا ہوتا تو میں انہیں انگلینڈ کی ٹیم سے سیکھنے کی تجویز بھی دیتا۔
