تفصیلات کے مطابق سابق پاکستانی کپتان شاہد آفریدی نے بھارتی بولر محمد شامی کو متنازع ٹوئٹ پر کھری کھری سنا دیں، پاکستان کے سابق کرکٹر شاہد آفریدی نے ایک پروگرام میں گفتگو کر تے ہوئے ہندوستان کے بولر محمد شامی کو متنازع ٹوئٹ پر آڑے ہاتھوں لیتے ہوئے کہا ہے کہ
ہم کرکٹرز سفیر اور رول ماڈلز ہیں ہمیں متنازع چیزیں ختم کرنے کی کوشش کرنی چاہیے۔ پاکستان اور بھارت پڑوسی ملک ہیں۔ ایسی چیزیں نہیں ہونا چاہئیں جس سے لوگوں کے درمیان نفرتیں پیدا ہو۔
اگر ہم ایسا کریں گے تو عام آدمی سے پھر کیا امید کی جاسکتی ہے۔ شاہد آفریدی نے محمد شامی کو مخاطب کرتے ہوئے کہا کہ اگر آپ ریٹائرڈ بھی ہیں تو پھر بھی آپ کو ایسا نہیں کرنا چاہیے مگر
آپ تو بھارت کی موجودہ ٹیم کا حصہ ہیں اس لیے آپ کو ایسی چیزیں کرنے سے گریز کرنا چاہیے۔ واضح رہے کہ شامی نے شعیب اختر کے ٹوٹے دل کے ٹوئٹ پر پیغام لکھا تھا کہ سوری برادر اسے کرما کہتے ہیں۔
