تفصیلات کے مطابق سابق بھارتی اوپنر گوتم گمبھیر نے بابراعظم کی ’’خودغرضی‘‘ پر سوالات اٹھا دیے، سابق بھارتی اوپنر گوتم گمبھیر نے بھی کپتان بابراعظم کو ’’خود غرض کپتان‘‘ قرار دے دیا۔ ان کا خیال ہے کہ نیدرلینڈز سے میچ میں پاکستانی اننگز کی شروعات بابر اعظم کی جگہ فخرزمان کو کرنی چاہیے تھی۔
گمبھیر نے بابراعظم پر تنقید کرتے ہوئے کہا ہے کہ میری رائے میں سب سے پہلے آپ کو اپنے بجائے اپنی ٹیم کو دیکھنا چاہیے، اگر کچھ بھی پلان کے مطابق نہیں چل رہا تھا تو
نیدرلینڈز سے میچ میں فخر زمان کو بطور اوپنر بھیجنا چاہیے تھا، اسے خودغرضی کہا جاتا ہے، بطور کپتان ایسا کرنا آپ کیلیے آسان ہوتا ہے۔ انھوں نے کہا کہ بابر اور رضوان بطور اوپنر کھیل کر
کئی ریکارڈز تو بناسکتے ہیں مگر کپتان کی حیثیت سے پہلے آپ کو ٹیم کا سوچنا چاہیے۔ قبل ازیں گزشتہ دنوں فاسٹ بولر شعیب اختر نے بھی بابراعظم کی کپتانی پر سوال اٹھاتے ہوئے کہا تھا کہ بابراعظم ایک برے کپتان ہیں۔
