تفصیلات کے مطابق بنگلادیش کرکٹ ٹیم کے کپتان شکیب الحسن کا کہنا تھا کہ اگر ہم نے بھارت کو شکست دی تو یہ اپ سیٹ ہو گا اور ہم انڈین ٹیم کو اپ سیٹ کرنے کی پوری کوشش کریں گے۔ شکیب الحسن نے کہا ہے کہ ٹی ٹوئنٹی ورلڈ کپ کا ہر میچ ہمارے لیے اہم ہے اور
ہم اسی انداز کے ساتھ کھیلنا چاہتے ہیں۔ ورلڈ کپ میں ہمارے بیٹرز کے اسٹرائیک ریٹ سے متعلق میں پریشان نہیں ہوں، ہماری کوشش ہے کہ کھیل کے تمام شعبوں میں اچھی کارکردگی کا مظاہرہ کریں۔
ہماری توجہ کسی ایک ٹیم پر نہیں ہے، ہمیں اپنے پلان کے مطابق کھیلنا چاہیے۔ اگر ہم نے بھارت اور پاکستان کو شکست دی تو یہ ایک اپ سیٹ ہو گا کیوں کہ دونوں ٹیمیں ہم سے بہتر ہیں۔
ہم دیکھ چکے ہیں کہ آئرلینڈ اور زمبابوے نے انگلینڈ اور پاکستان کو اپ سیٹ کیا ہے اگر ہم بھی ایسا کرتے ہیں تو مجھے خوشی ہو گی۔
شیئر کریں
