تفصیلات کے مطابق ٹی 20ورلڈ کپ میں زمباوے کے خلاف ایک رن سے شکست کھانے کے بعد نہ صرف پاکستانی ٹیم کی پرفارمنس پر تنقید کی جا رہی ہے بلکہ بابر اعظم کی کپتانی پر بھی سوال اٹھنے لگے ہیں۔ بابر اعظم کے بارے میں بات کرتے ہوئے وسیم اکرم نے اس کی ناکامی کی ایک دلچسپ وجہ بتا دی ہے۔
سابق کرکٹر وسیم اکرم نے کہا ہے کہ ”بابر اعظم کی ناکامی کی ایک ہی وجہ ہے اور وہ یہ ہے کہ وہ کسی بھی صورت ’ون ڈاﺅن‘ نہیں کھیلنا چاہتے۔“
رواں سیزن میں کراچی کنگز کی کارکردگی بھی اسی لیے ناقص رہی، کیونکہ بابر اعظم نے ون ڈاﺅن کھیلنے سے انکار کر دیا تھا ”میں کراچی کنگز کے ذریعے بابر اعظم کے اس روئیے کو دیکھ چکا ہوں۔
میں نے بابر اعظم کو ہدایت کی تھی کہ وہ تیسرے نمبر پر بیٹنگ کرے اور مارٹن گپٹل اور شرجیل خان کو اوپننگ کرنے دے لیکن بابر اعظم نے کہا کہ میں نیچے نہیں کھیلوں گا۔
”یہ سب چیزیں ٹاپ سے شروع ہوتی ہیں اور ٹاپ پر آپ کا کپتان ہے۔ اگر آپ کا کپتان رنز کرتا ہے اور دوسرے بلے بازوں کو اپنی پوزیشن پر کھیلنے کی اجازت دیتا ہے، تب آپ کو پتا چلتا ہے کہ ہاں آپ کا کپتان آپنی ٹیم کے لیے اپنی قربانی دینے کو تیار ہے۔“
