”زمبابوے سے شکست، کون کس سے ہارے اور جیتے تو پاکستان سیمی فائنل میں پہنچ سکتا ہے؟جانیے“

تفصیلات کے مطابق ٹی ٹوئنٹی ورلڈ کپ کے میچ میں زمبابوے نے پاکستان کو اپ سیٹ شکست دے دی ہے جس کی وجہ سے پاکستان کے اگلے مرحلے کیلئے کوالیفائی کرنے کے امکانات انتہائی کم ہوگئے ہیں. 2 میچوں میں لگاتار شکست کے بعد پاکستان کو اب اپنے اگلے سارے میچ نہ صرف جیتنے پڑیں گے بلکہ

مختلف ٹیموں کے ہارنے کی دعائیں بھی کرنی پڑیں گی. اتوار کو گروپ بی کے3 میچز ہوں گے. زمبابوے اور بنگلہ دیش کے میچ میں بنگلہ دیش کو جیتنا ہی ہوگا، جنوبی افریقہ کے خلاف انڈیا کو جبکہ

نیدر لینڈز کے خلاف پاکستان کو لازمی فتح حاصل کرنی پڑے گی. بدھ کے روز میچ میں نیدر لینڈز زمبابوے کو ہرائے. بدھ کو انڈیا اور بنگلہ دیش کا میچ اتنا نتیجہ خیز نہیں لیکن

اگر انڈیا کو اتوار کے میچ میں جنوبی افریقہ سے شکست ہوجاتی ہے تو پھر بدھ کو انڈیا کے خلاف بنگلہ دیش کو فتح حاصل کرنی پڑے گی. جمعرات کو پاکستان اور جنوبی افریقہ کا ٹاکرا ہوگا جس میں گرین شرٹس کو ہر صورت میں فتح حاصل کرنی پڑے گی.