”اتنے سالوں میں بھی آپ کو کپتانی کرنا نہیں آئی تو بابر اعظم کو اب کپتانی چھوڑ دینی چاہیے۔۔ شعیب ملک کی بابر اعظم پر کڑی تنقید“

تفصیلات کے مطابق ٹی ٹوئنٹی ورلڈ کپ کے سپر 12 مرحلے میں بھارت کے ہاتھوں شکست پر سابق کپتان شعیب ملک نے بابر اعظم کی کپتانی پر سوالات اٹھا دیے ہیں ۔ نجی چینل سے گفتگو کرتے ہوئے شعیب ملک نے کہا کہ بابر اعظم بار بار ایک طرح کی ہی غلطی کر رہے ہیں،

پریشر والے میچ میں سینئر کھلاڑیوں کا کردار زیادہ اہم ہوتا ہے۔ انہوں نے کہا کہ اگر کپتان غلط فیصلہ لے رہا ہے تو سینئر کھلاڑی کو بتانا چاہیے کہ یہ آپکا غلط فیصلہ ہے۔

شعیب ملک کا کہنا ہے کہ میں ہمیشہ کہتا ہوں کہ فاسٹ بولر کے ساتھ ایک سینئر کھلاڑی کو ضرور ہونا چاہیے جو اس کو بتائے اور حوصلہ دے۔ سابق کپتان نے بابر اعظم کی کپتانی پر

تنقید کرتے ہوئے کہا ہے کہ اگر اتنے سالوں میں آپ کو کپتانی کرنا نہیں آئی تو پھر آپ کو اس عہدے کو چھوڑ دینا چاہیے۔ ان کا مزید کہنا تھا کہ اگر ایک ہی غلطی بار بار کی جائے تو بہتر ہے کپتانی چھوڑ دیں۔