تفصیلات کے مطابق بھارتی بیٹرز نیٹ پر پاکستانی فاسٹ بولر محمد عرفان جونیئر کا سامنا کرنے کے بعد ان کی تعریف کئے بغیر نہ رہ سکے۔ بھارتی کپتان روہت شرما اور ویرات کوہلی نے محمد عرفان جونیئر کی فاسٹ بولنگ کی تعریف کی۔ روہت شرما نے محمد عرفان جونیئر کو زیادہ بولنگ کرنے کا کہا۔
محمد عرفان جونیئر کا ہندوستانی ٹیم نے سڈنی کرکٹ گراؤنڈ میں نیٹ سیشننز پر سامنا کیا۔ بھارتی کرکٹ ٹیم کا اگلا میچ سڈنی کرکٹ گراؤنڈ میں نیدر لینڈز کے خلاف ہے۔
پاکستانی فاسٹ بولر محمد عرفان جونیئر ان دنوں سڈنی میں ہیں اور ویسٹرن سبرب ڈسٹرکٹ کی جانب سے کھیل رہے ہیں۔ محمد عرفان جونیئر کا کہنا تھا کہ نیٹ پر بہت اچھی بولنگ ہوئی ہے، مکمل ردہم میں ہوں۔ انہوں نے کہا کہ
روہت شرما اور ویرات کوہلی نے کافی تعریف کی اچھا لگا، کل بھی نیٹ سیشن میں شرکت کروں گا۔ واضح رہے کہ فاسٹ بولر محمد عرفان جونیئر لاہور قلندرز کی جانب سے پی ایس ایل بھی کھیل چکے ہیں۔
