تفصیلات کے مطابق پاکستان کرکٹ بورڈ نے ایشین کرکٹ کونسل کے صدر اور بھارتی کرکٹ بورڈ کے سیکرٹری جے شاہ کے بیان پر باضابطہ ردعمل کا اظہار کیا ہے۔ ترجمان پی سی بی نے کہنا ہے کہ بورڈ کو صدر اے سی سی جے شاہ کے بیان پر حیرت اور مایوسی ہوئی ہے،
یہ بیان اے سی سی بورڈ یا پی سی بی سے مشاورت کے بغیر دیا گیا ہے، سوچے سمجھے بغیر دیے گئے اس بیان کے کافی منفی اثرات مرتب ہوں گے۔
پی سی بی کے مطابق جے شاہ کا پاکستان سے ایونٹ منتقلی کا بیان یکطرفہ ہے، ایونٹ کے منتقلی کا بیان آئی سی سی اور اے سی سی کو تقسیم کرنے کے مترادف بھی ہے،
اس بیان سے 2023 میں بھارت میں شیڈول ورلڈکپ اور 2024 سے 2031 تک بھارت میں شیڈول آئی سی سی کے ایونٹس میں پاکستان کی شرکت پر کافی اثرات مرتب ہوسکتے ہیں۔
پی سی بی ترجمان کا کہنا ہے کہ انہی کی صدارت میں منعقدہ اے سی سی اجلاس میں ایشیا کپ کی میزبانی پاکستان کے سپرد کی گئی تھی جب کہ تاحال اے سی سی کے صدر کے بیان پر
اے سی سی سے کی جانب سے کوئی باضابطہ وضاحت موصول نہیں ہوئی ہے۔ پاکستان کرکٹ بورڈ نے کہا کہ انہوں نے اے سی سی سے اس اہم اور حساس معاملے پر ہنگامی اجلاس بلانے کی درخواست کردی ہے۔
