تفصیلات کے مطابق بھارتی کرکٹ بورڈ کے ایشیا کپ میں ٹیم پاکستان بھیجنے کے فیصلے کے بعد جنوبی افریقی کھلاڑی عمران طاہر بھی پاکستان کے حق میں بول پڑے ہیں۔ نجی ٹی وی “جیو نیوز “کے مطابق جنوبی افریقی کرکٹر عمران طاہر نے کہا کہ پاکستان اور بھارت کا مقابلہ شائقین دیکھنا چاہتے ہیں،
پاک بھارت مقابلہ کہیں بھی ہو لوگ دلچسپی لیتے ہیں، پاکستان میں شائقین یہ مقابلہ دیکھنا چاہتے ہیں۔انہوں نے کہا مجھے لگتا ہے اور میری خواہش بھی ہے کہ پاکستان میں مقابلہ ہو،
میری دعا ہے کہ بھارت کی ٹیم یہاں آئے اور کھیلے، پاکستان میں سکیورٹی کے حوالے سے حالات بہت اچھے ہیں ، عمران طاہر نے بھارتی ٹیم کے لیے کہا کہ یہاں آئیں،
ماحول پروفیشنل اور انتہائی محفوظ ہے، یہاں کا کراؤڈ غیر ملکی ٹیموں کی بہت پزیرائی کرتا ہے، مجھے بہت محبت ملی ہے۔ یہاں جو ماحول ٹیموں کو دیا جاتا ہے وہ میں نے پہلے کبھی نہیں دیکھا،پاکستان کرکٹ کے لیے ایک شاندار جگہ ہے۔
