تفصیلات کے مطابق آسٹریلیا میں ٹی ٹوئنٹی ورلڈکپ کا آغاز ہوچکا ہے جس میں مختلف ٹیموں کے مقابلے جاری ہیں۔ کرکٹ شائقین جہاں ورلڈ ٹی ٹوئنٹی کے میچز سے محظوظ ہو رہے ہیں وہیں انہیں ایک خطرہ بارش کا انکی پریشانی کا باعث بھی ہے جس کی وجہ سے ایونٹ کا مزہ کرکرا ہوسکتا ہے۔
ذرائع کے مطابق آئی سی سی نے دونوں سیمی فائنلز اور فائنل میچ میں بارش کی صورت میں متبادل دن (ریزرو ڈے) رکھا ہے۔ رپورٹس کے مطابق سیمی فائنلز اور فائنل کے روز بارش کی صورت میں
امپائرز اور میچ آفیشل پہلے سے طے شدہ شیڈول کے مطابق میچ کے انعقاد کی پوری کوشش کریں گے تاہم جب پانچ اوورز کے کھیل کا امکان ختم ہوگا تو میچ متبادل دن پر کھیلا جائے گا۔
میڈیا رپورٹس کے مطابق میچ شروع ہونے کے بعد اگر دورانِ کھیل بارش ہوتی ہے تو بارش نہ رکنے کی صورت میں متبادل دن پر کھیل وہیں سے شروع کیا جائے گا جہاں سے روکا گیا ہو۔
