تفصیلات کے مطابق ٹی ٹوئنٹی کرکٹ کے بادشاہ اور آئی سی سی رینکنگ میں ٹاپ پوزیشن پر قابض محمد رضوان نے ٹی ٹوئنٹی انٹرنیشنل کی باہمی سیریز میں ایک اور ورلڈ ریکارڈ اپنے نام کرلیا ہے، پاکستانی وکٹ کیپر بیٹر محمد رضوان باہمی ٹی20سیریز میں سب سے زیادہ رنز بنانے والے کھلاڑی بن گئے ہیں۔
محمد رضوان نے گزشتہ روز انگلینڈ کے خلاف پانچویں میچ میں46 گیندوں پر 63رنز اسکور کرکے پاکستان کی جیت میں بڑا اہم کردار ادا کیا، محمد رضوان نے لاہور کے قذافی اسٹیڈیم میں مشکل پچ پر
شاندار بیٹنگ کا مظاہرہ کیا تھا، جس کے باعث قومی ٹیم انگلینڈ کو محض 6رنز سے شکست دینے میں کامیاب ہوسکی تھی۔ محمد رضوان کی اننگز میں 2چوکے اور 3چھکے بھی شامل تھے جبکہ
انہیں مین آف دی میچ کے ایوارڈ سے بھی نوازا گیا تھا، انگلینڈ کے خلاف سیریز میں محمد رضوان نے باپمی سیریز میں سب سے زیادہ 315رنز اسکور کرلیے ہیں جبکہ انکا بہترین اسکور 88 رنز ناٹ آﺅٹ رہا۔
