تفصیلات کے مطابق قومی ٹیم کے نوجوان فاسٹ بولر نسیم شاہ میں نمونیا کے بعد کو رونا وائرس کی بھی تشخیص ہو گئی ہے۔ ذرائع کے مطابق نسیم شاہ کا کو رونا ٹیسٹ مثبت آیا ہے، اسپتال میں زیر علاج رہنے کے باعث نسیم شاہ کی طبعیت اب قدرے بہتر ہے ۔
پی سی بی کے مطابق نسیم شاہ اسپتال سے ڈسچارج ہوکر واپس ٹیم کے ہوٹل پہنچ گئے ہیں فاسٹ بولر ہوٹل میں تمام کو وڈ 19 پرٹوکولز پر عمل کریں گے۔ نسیم شاہ انگلینڈ کے خلاف
سیریز کے باقی میچز کے لیے دستیاب بھی نہیں ہوں گے۔ یاد رہے کہ نسیم شاہ کو دو دن قبل بخار کے باعث اسپتال میں داخل کروایا گیا تھا اور گزشتہ روز پی سی بی نے
نسیم شاہ کے نمونیا میں مبتلا ہونے کے بارے میں بتادیا تھا۔ ذرائع کا کہنا ہے کہ نسیم شاہ کی آئندہ میچز میں شرکت اور اسکواڈ کے ساتھ نیوزی لینڈ روانگی کا فیصلہ ان کی رپورٹس دیکھنے کے بعد میڈیکل ٹیم کرے گی۔
