تفصیلات کے مطابق شاہد آفریدی کا اپنے ایک بیان میں کہنا تھا کہ گرین شرٹس کے پاس خوشدل شاہ، ہے آصف علی ہے، محمد نواز اور شاداب خان جیسے کھلاڑی موجود ہیں لیکن ان میں سے کوئی بھی بھارتی کھلاڑی ہاردک پانڈیا کی طرح مستقل مزاجی نہیں دکھا پایا، جس طرح پانڈیا نے ہندوستان کے لیے دکھائی ہے۔
سابق پاکستانی کپتان کے مطابق ہمارے پاس ہاردک پانڈیا جیسا فنشر نہیں ہیں، ہم سمجھتے تھے کہ خوشدل اور آصف علی ایسا کرپائیں گے لیکن وہ بھی نہیں کرپائے، محمد نواز اور شاداب خان بھی بیٹنگ میں مستقل مزاجی نہ دکھاپائے،
ہمیں کم ازکم ایسے دو کھلاڑیوں کی ضرورت ہے جو مستقل مزاجی کے ساتھ پرفارم کریں۔ ہمیں شاداب کی بولنگ کی بہت ضروری ہے، جس دن شاداب گیند کا اچھا استعمال کرتے ہیں اس دن پاکستان جیت جاتا ہے۔
ہم نئے کھلاڑی عامر جمال کو کیوں نہیں کھلا رہے؟ اس سے بولنگ اور بیٹنگ کروانی چاہیے تاکہ ہمیں پتہ تو چل سکے کہ عامر جمال کس قسم کا کھلاڑی ہے۔
