تفصیلات کے مطابق چوتھے ٹی ٹوئنٹی میچ میں لیام ڈاؤسن نے پاکستان کے خلاف 17 گیندوں پر 34 رنز بنائے، انہوں نے اننگز کے اٹھارویں اوور میں محمد حسنین کے اوور میں24 رنز بھی بٹورے تھے لیکن پھر میچ کو قریب لاکر 19 ویں اوور میں حارث رؤف کی گیند پر آؤٹ بھی ہوگئے تھے۔
میچ کے بعد گفتگو کرتے ہوئے لیام ڈاؤسن نے کہا کہ میچ فنش نہ کرپانے پر مایوسی ہے کیوں کہ وہ سمجھتے ہیں کہ انگلینڈ کو یہ میچ جیتنا چاہیے تھا، ڈاؤسن نے کہا کہ حارث رؤف کے اوور میں اس وقت شش و پنچ میں مبتلا تھا کہ
گیند کو ہٹ کروں یا سنگل لوں، یہیں غلطی ہوگئی، غلطی سے سبق سیکھنا ہے اور کوشش ہوگی کہ آئندہ گیند کو بھرپور طاقت سے ہٹ کیا جائے۔ یہاں کا کراؤڈ بہترین تھا،
وہ خود کو خوش قسمت سمجھتے ہیں کہ پہلے یہاں پی ایس ایل کھیل چکے ہیں اور اس دوران بھی کراؤڈ کو خوب انجوائے کیا، امید ہے لاہور میں بھی ایسا ہی ماحول ہوگا۔
