تفصیلات کے مطابق انگلینڈ کے خلاف 19 ویں اوور میں 2 گیندوں پر 2 کھلاڑی آؤٹ کر کے پاکستان کو جیت کے قریب کرنے والے حارث رؤف نے کہا ہے کہ اللہ کا شکر ادا کرتے ہیں پاکستان میچ جیتا۔ حارث رؤف نے نیشنل اسٹیڈیم کراچی میں پریس کانفرنس کرتے ہوئے کہا ہے کہ
ہم ہمیشہ سوچتے ہیں کہ کبھی ہار نہیں ماننی۔ انہوں نے کہا کہ بیٹرز کے خلاف پہلے ہی پلان کر رکھا تھا، 19ویں اوور میں اسی پلان کے مطابق بال کی اور وکٹیں ملیں، حسنین نے پاور پلے میں اہم وکٹیں لیں،
وہ میچ ٹرننگ پوائنٹ تھا۔ کسی بھی پلیئر پر برا وقت آسکتا ہے، ہم نے ہر کھلاڑی کو بیک کرنا ہے، شروع میں جو بھی کھلاڑی آتا ہے اس کو مشکل ہوتی ہے۔ بولنگ کوچ شان ٹیٹ نے جس طرح ہمیں سکھایا
اس سے بہت مدد ملی ہے، کرکٹ میں اوپر نیچے پرفارمنس ہوتی رہتی ہے۔ کراؤڈ کا بڑا کردار رہا ہے، جب اپنے ہوم گراؤنڈ پرکھیلتے ہیں تو بڑی سپورٹ ملتی ہے، کراچی کے فینز نے بہت زیادہ سپورٹ کیا۔
