تفصیلات کے مطابق انگلینڈ کے خلاف دوسرے ٹی ٹوئنٹی میچ میں اپنی شاندار بیٹنگ سے قومی کرکٹ ٹیم کے کپتان بابر اعظم نے بھارتی بیٹر ویرات کوہلی سے تیز ترین 8 ہزار رنز بنانے کا ریکارڈ بھی چھین لیا ہے۔ بابر اعظم نے انگلینڈ کیخلاف دوسرے ٹی ٹوئنٹی میچ میں 11 چوکوں اور 5 چھکوں کی مدد سے 66 گیندوں پر 110 رنز بنائے اور ناقابلِ شکست رہے۔
بابر اعظم نے 227 میچز کی 218 اننگز میں تیز ترین 8 ہزار رنز مکمل کرنے کا اہم سنگ میل عبور کیا ہے۔ اس سے قبل بھارتی بلے باز ویرات کوہلی 257 میچز کی 243 اننگز میں 8 ہزار رنز بنا کر
تیز ترین 8 ہزار رنز مکمل کرنے والے پلیئرز میں دوسرے نمبر پر موجود تھے۔ کرکٹ کی عالمی رینکنگ میں تیز ترین 8 ہزار رنز مکمل کرنے کی فہرست میں پہلے نمبر پر
ویسٹ انڈیز کے جارح مزاج بلے باز کرس گیل براجمان ہیں۔ بائیں ہاتھ سے کھیلنے والے ویسٹ انڈیز کے بیٹر کرس گیل نے یہ ریکارڈ 217 میچز کی 213 اننگز میں حاصل کیا تھا۔ جو کہ ابھی تک ایک ریکارڈ ہے
