تفصیلات کے مطابق انگلینڈ کے خلاف دوسرے ٹی ٹوئنٹی میچ میں فتح حاصل کرنے کے بعد پاکستان نے نے منفرد اعزاز اپنے نام کر لیا ہے، پاکستان نے بابر اور رضوان کی شاندار اننگز کی بدولت 200 رنز کا ہدف آخری اوور میں پورا کرکے انگلینڈ کے خلاف 10 وکٹوں سے تاریخی کامیابی حاصل کی اور سیریز ایک ایک سے برابر کردی۔
پاکستان کرکٹ ٹیم ٹی ٹوئنٹی انٹرنیشنل میں بغیر نقصان کے 200 رنز کا ہدف حاصل کرنے والی دنیا کی پہلی ٹیم بن گئی ہے، انگلینڈ کے خلاف دوسرے ٹی ٹوئنٹی میچ میں پاکستان کی جانب سے حاصل کیا جانے والا ٹارگٹ بغیر وکٹ گنوائے
دنیا میں کسی بھی ٹیم کا سب سے بڑا کامیاب چیز ہے، اس سے قبل نیوزی لینڈ نے بغیر کسی نقصان کے سب سے بڑا ٹارگٹ 169 کا عبور کیا تھا، نیوزی لینڈ نے یہ ٹارگٹ پاکستان کے ہی خلاف 2016 میں عبور کیا تھا،
پاکستانی ٹیم نے 150 یا اس سے زائد ہدف بنا وکٹ گنوائے دو بار حاصل کرنیوالی دنیا کی واحد ٹیم ہے، پاکستان نے گزشتہ برس انڈیا کے خلاف بغیر وکٹ گنوائے 152 کا ہدف بھی عبور کیا تھا ۔
