تفصیلات کے مطابق سری لنکا کے سابق کپتان مہیلا جے وردھنے نے بابرا عظم کو مشورہ دیتے ہوئے کہا ہے کہ ورلڈکپ میں بابر اعظم کپتانی اور ادھر ادھر کی چیزیں بھول جائیں اور مضبوط بیٹر بنیں، جتنا ممکن ہو سکتا ہے بیٹنگ کے دوران بیٹر بن کر سوچیں اور اس کے بعد گراونڈ میں کپتانی کا سوچیں،
مہیلا جے وردھنے کا کہنا تھا کہ ٹی ٹوئنٹی ورلڈکپ سے قبل بابر اعظم کی فارم پاکستان کے لیے تھوڑی پریشانی کا باعث بنی ہے ، وہ جس طرح دوسال سے بیٹنگ کر رہے تھے اس لحاظ سے یہ ایشیا کپ تشویش کا باعث ہے،
اب بھی میں سمجھتا ہوں کہ بابر اعظم ایک کوالٹی پلیئر ہیں۔ سابق کپتان نے کہا دو برسوں میں پاکستان کی کامیابی کی بنیاد ہی ان ٹاپ آرڈر بیٹرز بابر اور رضوان کا رنز کرنا رہا ہے، تمام بڑے بیٹرز ایسے مرحلے سے ضرور گزرتے ہیں،
مجھے یقین ہے بابر اعظم کم بیک کریں گے، ان کا کم بیک مضبوط طریقے سے ہوگا۔ مہیلا جے وردھنے نے بابر اعظم کو مشورہ دیا کہ ورلڈکپ میں بابر اعظم اپنی کپتانی اور ادھر ادھر کی چیزیں بھول جائیں اور بیٹر بنیں،
جتنا ممکن ہو سکتا ہے بیٹسمین بن کر رہیں اور اس کے بعد گراونڈ میں کپتانی کا سوچیں۔ انہوں نے کہا کہ کپتانی اور ٹیم کے اہم کھلاڑی کی ذمہ داریوں کو الگ الگ رکھنا پڑے گا۔
